Argentina Iordaniyani mag‘lub etib, guruh bosqichini yuz foizlik natija bilan yakunladi
Jahon chempionati guruh bosqichi 3-turida Argentina terma jamoasi Iordaniya ustidan 3:1 hisobida g‘alaba qozondi.
⠀
Uchrashuvda hisob 19-daqiqada ochildi. Jovani Lo Chelso jarima zarbasini aniq ijro etib, argentinaliklarni oldinga olib chiqdi.
⠀
31-daqiqada Lautaro Martines penaltini golga aylantirib, hisobdagi ustunlikni ikki to‘pga yetkazdi. Iordaniya 55-daqiqada Mussa Al-Tamarining goli orqali hisobni qisqartirdi.
⠀
Uchrashuvga ikkinchi bo‘limda qo‘shilgan Lionel Messi 80-daqiqada jarima zarbasidan gol urib, yakuniy hisobni 3:1 ko‘rinishiga keltirdi.
⠀
Shu tariqa, Argentina guruh bosqichidagi uchala o‘yinda ham g‘alaba qozonib, pley-offga yuqori kayfiyatda yo‘l oldi.
Fikrlar