Arne Slot o‘rniga – ikki zo‘r nomzod!

Angliyaninga amaldagi chempioni “Liverpul” rahbariyati jamoa o‘yini borasida o‘sib borayotgan xavotirlar fonida ichki o‘zgarishlarni boshlamoqda.

Arne Slotning faoliyati, ayniqsa yozdagi rekord sarmoyalardan so‘ng, rahbariyat kutganidek ketmayapti. Ana shu  sababli klub Arne Slot o‘rniga ikki nomzod sifatida Brendan Rojers va Andoni Iraolani nishonga oldi.

“Liverpul” uchun bosh murabbiylikka asosiy da’vogar Brendan Rojers. “Seltik”ni tark etgan murabbiyning Mersisayd klubida yaxshi obro‘si bor, chunki u “Enfild”dagi oldingi ishida o‘zining alohida o‘yin uslubini yaratgan.

Rojers klubni yaxshi biladi, bosimni tushunadi va yuqori darajadagi loyihani qabul qilishga tayyor. Direktorlar kengashi uchun bu tajriba bozordagi boshqa nomzodlarga nisbatan afzaldir.

Ikkinchi variant – hozirda “Bornmut”ni muvaffaqiyatli boshqarayotgan Andoni Iraola. Uning yuqori pressingga asoslangan dinamik, dadil uslubi “Liverpul” e’tiborini tortdi. Klub uni zamonaviy va raqobatbardosh tizimni yaratishga qodir murabbiy sifatida baholayapti.