"Arsenal" - "Liverpul": Matnli translyatsiya

Assalomu alaykum, muxtaram futbol ixlosmandlari! Angliya Premer-ligasi 30-turidan o‘rin olgan "Arsenal" - "Liverpul" uchrashuvi matnli translyatsiya ko‘rinishida e’tiboringizga havola etiladi. Uni sizlar bilan Javohir Azimov kuzatib boradi.

• 90+4'
  

  Учрашув якунланди. Матнли трансляция Жавоҳир Азимов томонидан олиб борилди!

• 90+3'
  

  Ҳисоб ўзгариши мумкин эди! Аммо Маненинг яқин масофадан берган зарбасини Лено қайтарди.

• 90+1'
  

  Рақибига нисбатан қоида бузган Габриэль огоҳлантирилди.

• 90'
  

  Ўйиннинг асосий вақтига 4 дақиқа қўшиб берилди.

• 88'
  

  "Канонирлар"нинг бурчак зарбаси хавфли чиқди. Бироқ вазият голга олиб бормади.

• 85'
  

  Озан Кабак ўз ўрнини Рис Уильямсга бўшатиб берди.

• 82'
  

  ГООООООООООООООООООООООООЛ! "Ливерпуль" ҳисобни йирик кўринишга келтирди!

  Салаҳнинг узатмасини Мане шеригига тўхтатиб берди. Қулай имкониятдан Жота унумли фойдаланди.

• 80'

  Бугун "Арсенал"нинг "Ливерпуль"га кучи етмаяпти. Бошқа изоҳга ҳожат йўқ, назаримизда.

• 78'
  

  Шунингдек, мезбонлар сафида Обамеянг ўрнига Мартинелли ўйинга қўшилди.

• 77'
  

  Роберто Фирмино ўз ўрнини Жоржиньо Вейналдумга бўшатиб берди.

• 75'

  Салаҳнинг бу сафарши уринишига бироз аниқлик етишмади.

• 73'
  

  Диогу Жота бугун анча фаол. Жота бу сафар сариқ карточка олди.

• 71'

  Лондонликлар қанча ҳаракат қилмасин, меҳмонлар рақибга ўйин бермаяпти.

• 68'
  

  ГОООООООООООООООООООООООООООООООЛ! "Ливерпуль" ҳисобни ишончли кўринишга келтирди!

  Соло юриш амалга оширган Муҳаммад Салаҳ тўпни Ленонинг оёқлари орасидан ўтказиб, дарвозага киритди.

• 66'

  Голдан руҳланган Клопп шогирдлари олдинга ўтишда давом этмоқда.

• 64'
  

  ГОООООООООООООООООООООООООООООЛ! Учрашувда ҳисоб очилди!

  Ҳозиргина майдонга тушган Жота Трентнинг узатмасини боши билан дарвозага жойлаб қўйди.

• 61'
  

  Клопп нималар қилмоқда? Ҳимоячи Робертсон ўрнига ҳужумчи Жота ўйинга ташланди.

• 58'
  

  Дани Себальос ўз ўрнини Муҳаммад Эл-Ненига бўшатиб берди.

• 55'

  Ўйин мерсисайдликларнинг устунлиги остида давом этмоқда

• 52'

  Салаҳнинг уринишини рақиб ҳимоячилар зарарсизлантирди.

• 49'

  Себальос рақибига нисбатан қоида бузди. Меҳмонлар стандарт вазиятга эга бўлди

• 46'
  

  Иккинчи тайм бошланди!

• 45+2'
  

  Танаффус!

• 45+1'
  

  Тирни ўйинни давом эттира олмади. Унинг ўрнига Седрик Соареш майдонга тушди.

• 45'
  

  Биринчи таймга 2 дақиқа қўшиб берилди.

• 44'
  

  Киран Тирнига тиббий ёрдам кўрсатилмоқда.

• 42'

  Трентнинг жарима майдонига оширган тўпига жамоадошларидан ҳеч ким ета олмади.

• 41'

  Обамеянг шеригига тўпни қолдирди. Аммо унга Ляказеттдан аввал рақиб футболчиси етиб келди.

• 39'

  Мерсисайдликлар стандарт вазиятдан наф чиқара олмади. "Арсенал" қарши ҳужум билан жазолашига бир баҳя қолди.

• 37'

  "Ливерпуль" футболчилари босим уюштиришда давом этмоқда.

• 35'

  Жэймс Мильнернинг зарбаси ноаниқ кетди. Яна бир қулай имконият қўлдан кетди.

• 33'

  Пепенинг яқин масофадан йўллаган зарбасини дарвозабон ушлаб олди.

• 30'

  Роберто Фирминонинг узоқ масофадан берган зарбасига аниқлик етишмади.

• 28'

  Жарима майдони ичида Салаҳ тўпни ўзига бўйсундира олмади.

• 26'

  Садио Маненинг жарима майдони ичидан йўллаган зарбасини Лено ушлаб олди.

• 24'

  "Ливерпуль"нинг навбатдаги ҳужуми ҳам жарима майдони остонасида тўхтатилди.

• 22'
  

  Ляказеттнинг юзига Филипс тирсаги билан зарба бериб юборди. Французга тиббий ёрдам керак.

• 20'
  

  Клопп шогирдлари бурчак зарбасидан наф чиқара олмади.

• 18'

  Мерсисайдликлар тартибли ҳимояланаётган "Арсенал" мудофаасини буза олмаяпти.

• 16'

  Ўйин майдон марказига кечмоқда. Тўп майдон марказида турибди.

• 14'

  Фабиньонинг узоқ масофадан берган зарбаси ноаниқ кетди.

• 13'

  Александр Арнольднинг узатмасига шериклари ета олмади.

• 11'

  Мильнернинг жарима майдони ташқарисидан йўллаган зарбасига аниқлик етишмади.

• 10'

  Дастлабки ўн дақиқалик анча сокин тарзда ўтди. Жамоалардан фаоллик кутиб қоламиз.

• 8'

  "Канонирлар" прессинг уюштирмоқда. Бу рақибни хато қилишга мажбур қиляпти.

• 6'

  Назорат мерсисайдликлар томонга ўтди.

• 4'

  Жарима майдони ичида Фирмино тўп йўқотди.

• 3'

  Лондонликлар илк дақиқалардан тўпни назорат қилмоқда.

• 1'
  

  Ўйин бошланди!

• 0'

  Футболчилар майдонга тушиб келди. Старт учун барчаси тайёр!