"Arsenal" futbolchisi yozda A Seriyaga yo‘l olishi mumkin

"Arsenal" hujumchisi Gabriel Jezus yozda jamoani tark etib, A Seriyaga yo‘l olishi kutilmoqda.

"Tuttosport" nashri xabar berishicha, braziliyalik forvardning xizmatlariga "Milan" jamoasi qiziqish bildirmoqda. "Rossonerilar" Jezusni yozgi transfer oynasida o‘z safiga qo‘shib olishni maqsad qilganni aytilmoqda.  

28 yoshli futbolchining ayni vaqtda "transfermarkt" portalidagi narxi 20 million evroni tashkil etadi. Uning London klubi bilan amaldagi shartnomasi 2027 yilning yozigacha mo‘ljallangan.

Eslatib o‘tamiz, hujumchi mavsumning boshini jarohat sabab o‘tkazib yuborib yaqinda safga qaytishga erishdi. Jezus safga qaytgandan so‘ng 16 ta uchrashuvda maydonga tushib, 4 ta gol va 1 ta golli uzatmani o‘z nomiga yozdirib qo‘ydi.