Asilbek Aliev: "Men aybdor ekanimni tan olaman va bundan afsusdaman"

O‘zbekiston U-17 terma jamoasi futbolchisi Asilbek Aliev ijtimoiy tarmoqlar orqali murojaat qilib, barchadan uzr so‘radi. 
 
"Men aybdor ekanimni tan olaman va bundan chin dildan afsusdaman. Iltimos, meni tushunishga harakat qilinglar va kechiringlar", - deya yozib qoldirdi yosh iste’dod egasi. 
 
Ma’lumot o‘rnida, Aliev o‘smirlar o‘rtasida o‘tayotgan Jahon chempionatining pley-off bosqichidagi Italiyaga qarshi uchrashuvda qizil kartochka olib maydonni tark etgan edi. Ushbu voqeadan so‘ng Islombek Ismoilov o‘z shogirdining bu harakatidan norozi bo‘lib, futbolchini koyib bergandi.