“Barsa” ashaddiy raqib “Real” kutayotgan yulduzni olib ketadi

“Barselona” kelasi yozda katta transferga qo‘l urmoqchi. Kataloniyaliklar himoya chizig‘ini kuchaytirish uchun “Bavariya” bilan xayrlashayotgan Alfon Devisni o‘z safiga qo‘shib oladigan bo‘ldi.

Kanadalik futbolchini anchadan beri “Real” kutmoqda. Madridliklar avval ham bir necha bor Devisni olishga harakat qilib ko‘rgan edi.

Mundo Deportivo nashrining ma’lum qilishicha, “Barselona” yanvar oyida Devisning transfer bo‘yicha roziligi olmoqchi. 24 yoshli chap qanot himoyachining agenti xaridorlar uchun aniq talab qo‘ygan.

Unga ko‘ra, Alfonso Devisni transfer qilmoqchi bo‘lgan har qanday klub unga har mavsum uchun 12 million evrodan ko‘proq maosh taklif qilishi va 30 million evro miqdorida shartnoma bonusini to‘lashi talab etiladi.