«Barselona»da vingerlar bo‘yicha xavotir paydo bo‘ldi
«Barselona» rahbariyati terma jamoalarda ortiqcha yuklama olgan qanot hujumchilari jarohat va charchoq xavfi oshganidan jiddiy xavotirda.
«Barselona»da qanot hujumchilari yuklamaga chiday olmayapti.
Kataloniyaning mashhur klubi «Barselona» rahbariyati milliy jamoalarda to‘p suradigan qanot hujumchilari holatidan jiddiy xavotirga tushgan. Xalqaro o‘yinlar uchun tanaffus davrida ularga tushayotgan yuklama me’yordan oshib ketgani aytilmoqda.
Braziliya terma jamoasi safida maydonga tushgan Rafinya jarohat oldi. Ispaniya terma jamoasi sharafini himoya qilayotgan yosh iste’dod Lamin Yamal ikki o‘yinda jami 158 daqiqa maydonda qoldi. Angliya terma jamoasida Entoni Gordon 150 daqiqa o‘ynagan bo‘lsa, Germaniya terma jamoasi a’zosi Karim Adeemining o‘yin vaqti 155 daqiqani tashkil etdi.
«Barselona» bosh murabbiyi Xansi Flik boshchiligidagi murabbiylar shtabi xalqaro tanaffusning cho‘zilib ketishi, shuningdek, ko‘plab parvozlar va safarlar sabab futbolchilarning charchoq darajasi oshib borayotganidan xavotirda. Klub ichida, ayniqsa, asosiy tarkibdagi muhim o‘yinchilar tanaffusdan foydalanib dam ololmagani, aksincha, o‘z terma jamoalarida maksimal darajada ishlatilgani norozilik uyg‘otgan.
Izohlar (0)