"Barselona" yarim himoyachisi jarohatdan tuzaldi

Mavsum boshida jiddiy jarohat olgan "Barselona" yarim himoyachisi Mark Bernal yakka tartibdagi mashg‘ulotlarga kirishdi. Bu haqda Marca nashri xabar bermoqda.

Manbaning ma’lum qilishicha, 18-yoshli futbolchining qachon guruh mashg‘ulotlariga qaytishi nomalum. Biroq, Bernal katta ehtimol bilan keyingi mavsumning boshida maydonga qaytishi mumkin.

Eslatib o‘tamiz, yakuniga etgan mavsumda yarim himoyachi Ispaniya chempionati doirasida 3 ta o‘yinda maydonga tushishga ulgurgan. "Rayo Valekano"ga qarshi kechgan bahsda futbolchi xochimon paylaridan jarohat olib, operatsiya qilingan edi.