"Barselona"ning asosiy futbolchilaridan biri jamoa mashg‘ulotlarini o‘tkazib yubordi

"Barselona" qanot himoyachisi Jyul Kunde Madridning "Real" klubiga qarshi o‘yin arafasida umumiy guruhda mashg‘ulot o‘tkazmadi. Bu haqda jurnalist Karlos Monfor xabar bermoqda.

Manbaga ko‘ra, Kunde mashg‘ulotni zalda o‘tkazgan. O‘yinchi lat eyishdan noqulaylik his qilgan, shuning uchun uni ehtiyot chorasi sifatida saqlab qo‘yishga qaror qilishdi. Bugun Kunde jamoaga kelib qo‘shilishi kutilmoqda.

Joriy mavsumda himoyachi barcha musobaqalarni hisobga olgan holda 12 ta o‘yinda maydonga tushib, bitta gol urdi va bitta golli uzatmani amalga oshirdi.

"Real" va "Barselona" uchrashuvi 26 oktyabr kuni bo‘lib o‘tadi. La Liganing 10-tur uchrashuvi Toshkent vaqti bilan soat 20:15da start olishi rejalashtirilgan.