"Barselona"ning sobiq futbolchisi yozda "Atletiko"ga o‘tishi mumkin

"Betis" klubi himoyachisi Mark Bartra "Atletiko" Madridning qiziqishlar doirasiga kirib qoldi. Bu haqda Marca nashri xabar tarqatmoqda.

Yuqoridagi manbaaga ko‘ra “matraschilar” 28 yoshli futbolchini yaqinlashib kelayotgna yozgi transferlar davrida o‘z safiga qo‘shib olishni rejalashtirishmoqda.

Eslatib o‘tamiz, Bartra o‘z vaqtida “Barselona” va “Borussiya” Dortmund kabi grand klublarda to‘p surgan.

Ma’lumot uchun, Mark Bartra joriy mavsum “Betis” safida 42ta o‘yinda ishtirok etdi va 1ta golga mualliflik qilishga erishdi.