"Bavariya"ga finalda eng yaxshi assistent yordam bera olmaydi!

Myunxenning "Bavariya" klubi futbolchisi Tomas Myullerda koronavirus aniqlandi. Bu haqida "Bavariya" rasmiy sayti xabar berdi.

Ayni damda myunxenliklar Qatardagi Klublar o‘rtasidagi jahon chempionatida ishtirok etmoqda. Bugun finalda nemislar chempionlik yo‘lida Meksikaning "Tigres" klubi bilan to‘qnash keladi. Afsuski, jamoaning asosiy tarkib futbolchisi hamda eng yaxshi assistenti bugun jamoasiga yordam bera olmaydi. Futbolchining holati yaxshi, u izolyatsiyaga olingan.