"Bayer" etakchisi final ostonasidagi o‘yinda jamoasiga yordam berolmaydi

Leverkuzenning “Bayer” klubi forvardi Kay Xaverts “Saarbryuken”ga qarshi bo‘ladigan Germaniya kubogi yarim final uchrashuvini o‘tkazib yuboradi. Bu haqda jamoa bosh murabbiyi Peter Bos “Bavariya”ga (2:4) qarshi o‘yindan so‘ng o‘tkazilgan matbuot anjumanida aytib o‘tdi.

“Bu o‘yingacha u tiklana olmaydi, Kay bu uchrashuvda ishtirok etmaydi. Agar u o‘ynashga tayyor bo‘lsa ham, biz tavakkal qilishimizga to‘g‘ri keladi, biz esa bunday qilishni xohlamaymiz. Umid qilamizki, Xaverts yakshanba kuni “Shalke”ga qarshi bo‘ladigan o‘yingacha sog‘ayadi”, - deydi Bos.