Bobir Tagiev Abu-Dabida jang qiladi! (foto)

25 iyun kuni BAAda professional muay-tay kechasi tashkil etiladi. Abu-Dabi shahrida o‘tkazilishi rejalashtirilgan mazkur kechada hamyurtimiz Bobir Tagiev ham ishtirok etadi.

72 kg vazn toifasida jang qiladigan vakilimiz amaldagi "WBC Max Muay-thai" chempionlik kamari sohibi, frantsiyalik Valentin Tiboga qarshi jang qiladi. Kamar uchun kechadigan ushbu bahs kechaning "Main card"idan o‘rin olgan.

Ayni kunlarda Bobir Tagiev O‘zbekiston K-1 federatsiyasi Toshkent shahar bo‘limi rahbari Xojiakbar Hakimov tomonidan tashkillashtirilgan o‘quv-mashg‘ulot yig‘inida murabbiy Husan Majlimov hamda Zufar Sulaymonov qo‘l ostida jangga tayyorgarlik ko‘rmoqda.

Fursatdan foydalanib, hamyurtimizga muhim jangda omad yor bo‘lishini tilab qolamiz!