Brunu Fernandesh Ronaldu ustidan kuldi

“Manchester Yunayted” yarim himoyachisi Brunu Fernandesh jamoadoshi Krishtianu Ronalduning portugalcha shevasi ustidan kuldi.

- Ba’zan Markus Reshford va Jessi Lingard nima haqida gaplashayotganini tushinib bo‘lmaydi. Portugal tilida ham  xuddi shu ahvol. Agar e’tibor bersangiz, biz portugaliyaliklar - Ronaldu, Diogu Dalot va men turlicha gapiramiz.

Ronaldu qo‘llayotgan til portugalchaning eng xunuk shevasi. Ronaldu Madeyradan. Ko‘pchilik portugaliyaliklar bu oroldan kelgan odamlarning gapini tushunmaydi, - deydi Brunu Fernandesh.

Krishtianu Ronaldu “Manchester Yunayted”ga kelganidan beri ushbu jamoa uchun sakkizta uchrashuvda oltita gol urishga muvaffaq bo‘ldi.