Buffon: Kelajakda futbol klubida ishlayman

"Yuventus", "Parma" va Italiya terma jamoasining sobiq darvozaboni Janluiji Buffon kelajagi haqidagi savolga javob berdi.

"Men uni qanday ko‘raman? Aytaylik, sport direktori sifatida? Yoki bosh murabbiymi? Bu savollarga hali ham menda javob yo‘q. Ammo o‘zim yoqtirgan narsalar bilan shug‘illanishni istayman. Albatta doim harakatda bo‘lishni xohlayman, passiv bo‘lishni yoqtirmayman.

Men sport direktori kursini tamomladi. Yanvar oyida Bokkoni universitetida biznes va boshqaruv bo‘yicha magistr darajasini olishni boshladim, uni may oyida tugataman. Kelajakda futbol klubida ishlayman deb o‘ylayman", - dedi italiyalik afsona.