Butun bir jamoani Messidan ustun qo‘ydik!

“Barselona” prezidenti Joan Laporta argentinalik yulduz Lionel Messining klubdan ketishga majbur bo‘lgan vaziyatni yana bir bor esga oldi.

- O‘shanda men “Barselona”ni jahon futbolidagi eng zo‘r o‘yinchidan ustun qo‘yishga majbur bo‘lgandim. Moliyaviy inqiroz jarayonida Leoni ushlab qola olmasdim. Bu klub manfaati uchun eng to‘g‘ri qaror bo‘lgan.

Hozir Messi PSJ futbolchisi bo‘lgani bois, u haqida gapirmaslikni ma’qul ko‘raman. Bor e’tiborimizni “Barselona”ga qaratishimiz lozim. Shunga qaramay, Lionel Messi klubimizning bir bo‘lagi bo‘lib qolaveradi va u bilan aloqalarimiz davom etmoqda, - dedi Joan Laporta.