“Chelsi” bir urinishda uch futbolchidan qutilmoqchi

Angliyadagi manbalarning xabar berishicha, “Chelsi” bir yoʻla uch futbolchidan qutilishga qaror qilgan. Londonliklar Mark Giu va Aksel Disasini sotishdan 25 million funt, Nikolas Jekson transferidan esa kamida 65 million funt ishlab topishni rejalashtirmoqda.

Bu raqamlar ancha katta koʻrinsa-da, London klubi rahbariyatining maqsadi aynan shunday. “Aristokratlar” bu yozda yana bir yoki ikki nafar yuqori saviyali futbolchini sotib olish uchun katta mablagʻ sarflashni rejalashtirmoqda.

Uchala futbolchi ham bu yozda “Stemford Brij”ni tark etishi mumkin. Chunki Xabi Alonso ularni asosiy jamoa rejalarga kiritmagani aytilmoqda. Ular orasida faqat Nikolas Jeksonning asosiy tarkibda oʻzini koʻrsatish imkoniyati saqlanib qolishi mumkin.

Jekson uchun 65 million funt katta summa boʻlib koʻrinsa-da, u avvalgi mavsumlarda Angliya Premier-ligasida jami 24 ta gol urgani sababli klub bu narxni olishga harakat qiladi.

Mark Giuning Ispaniyaga qaytishi ehtimoli yuqori. Avvaliga u La Liganing biror klubiga ijaraga berilishi mumkin.

Aksel Disasiga Chempionshipda oʻynaydigan “Vest Xem” qiziqish bildirmoqda. Shuningdek, Italiya ning “Roma” klubi ham markaziy himoyachiga daʼvogar boʻlib turibdi va bu variant futbolchining oʻzi uchun maqbulroq boʻlishi mumkin.