“Chelsi” futbolchisi bilan xayrlashishga tayyormi?

“Chelsi” vakili Kurt Zuma qishki transferlar vaqtida jamoani tark etishi kutilmoqda. Himoyada ko‘p xatoga yo‘l qo‘yadigan bu futbolchi, himoyachi bo‘lishiga qaramay, joriy mavsumda to‘purarlik mahoratini namoyish qilmoqda.

Premer-liga doirasida ettita uchrashuvda raqiblar darvozasiga uchta to‘p kiritgan Zumani “Tottenxem” va “Everton” o‘z tarkibida ko‘rmoqchi.

26 yoshli frantsiyalik futbolchini qo‘lga kiritish uchun bu jamoalar 40 million funtdan voz kechishiga to‘g‘ri keladi.