“Chelsi” yozda ketadiganlar nomini oshkor qildi

Footy Extras nashri “Chelsi” bosh murabbiyi Tomas Tuxel yozda javob berib yuboradigan futbolchilar ro‘yxatini e’lon qildi.

Germaniyalik murabbiy o‘ziga ma’qul yangi ijrochilarni olishi uchun jamoaning bir guruh futbolchilarini ketkazishga qaror qilgan.

Manbaning ta’kidlashicha, mavsum tugashi bilan “aristokratlar” safini birinchilardan bo‘lib Ross Barkli va Ruben Loftus-Chik tark etadi. Bu ikki o‘yinchi mavsum davomida Tuxelni jamoaga kerakli ekanliklariga ishonatira olmadi. Klub ularning transferidan 40 million funt ishlab olmoqchi.

O‘tgan mavsum Chempionlar ligasi pley-off uchrashuvlarida porlagan Kristian Plushich joriy mavsumda kutilgan o‘yinni namoyish qilolmadi. Shuningdek, ketadiganlar ro‘yxatiga Hakim Ziesh va Timo Verner kabi Angliya futboliga moslasha olmagan yulduzlar bor.