Dana Uayt: "Aleks Perreyra - sayyoradagi eng katta paranoik"

UFC rahbari Dana Uayt braziliyalik Aleks Perreyraning liga MMA hamjamiyatini Siril Gan va Josh Hokit oʻrtasidagi chempionlik jangi eʼlon qilinishiga tayyorlash uchun oʻz sharhlovchilari va nazorat ostidagi tahlilchilari orqali jamoatchilik fikrini manipulyatsiya qilgani haqidagi bayonotiga izoh berdi.

"Bu yigit dunyodagi eng katta paranoik. Dana Uayt hech qachon va hech qanday sharoitda Kormyega nima qilish kerakligini aytmagan. Dana hech qachon Jo Rogan, Daniyel Kormye yoki boshqa birovga u yoki bu jangchi haqida nima deyishni buyurmagan.

Koʻp yillik yakkakurash ishqibozi sifatida sharhlovchilarning jangchilar haqida salbiy fikr bildirishini yoqtirmayman. Biroq men jangchilarga ham, sharhlovchilarga ham nima deyishni aytmayman, hammasini oʻz holiga qoʻyib beraman.

Agar biz haqiqatan ham bunday bayonotlarni nazorat qilganimizda, oʻsha Shon Striklendni uch yil oldin ishdan boʻshatgan boʻlardik va hozir bu mavzuni muhokama ham qilmasdik", - dedi promoushen rahbari Las-Vegasdagi matbuot anjumanida.