Dzyudo. Yana bir oltin muborak, O‘zbekiston!

-100 kg vazn toifasida yurtimiz sharafini himoya qilgan Muzaffarbek To‘raboev ham o‘z nomini jahon chempionlari qatoriga zarhal harflar bilan bitib qo‘ymoqda. Polvonimiz chempionlik bellashuvida kanadalik Kayl Rees ustidan g‘alaba qozonib, oltin medalga sazovor bo‘ldi.

Qayd etish joiz, bunday natija sportimiz tarixida bo‘lmagan. Ilk bor terma jamoamiz jahon chempionatida 2 ta oltin medalga sazovor bo‘lmoqda. G‘alaba muborak, aziz muxlislar!