Ektor Kuper katta "qovun tushurdi"

Argentinalik mashhur mutaxassis Ektor Kuper boshqarayotgan Kongo Demokratik Respublikasi terma jamoasi kecha Beninni mag‘lub etib, JCh-2022 saralashining pley-off bosqichiga yo‘l oldi.

Biroq Kuper o‘yin davomida 4 ta urunishda 4 ta futbolchini almashtirdi. Reglamentga ko‘ra, har bir jamoa 5 tagacha futbolchi almashtirish imkoniyatiga ega, ammo ushbu o‘zgarishlar 3 ta urunishda amalga oshirilishi kerak.

Endi Kongo DR terma jamoasini texnik mag‘lubiyatg kutmoqda. Shundan so‘ng guruhdagi birinchi o‘rin va pley-off yo‘llanmasi Benin terma jamoasiga nasib etishi mumkin.