Eldor Shomurodov jamoasi bugun ham seriyani davom ettira oladimi?

Davide Ballardini "Jenoa"ga kelgunga qadar jamoa autsayderlar qatorida edi. Hozir esa genuyaliklar o‘rtamiyona klubga aylandi. Har holda Eldor Shomurodov jamoasi ayni payt 21 o‘yinda 24 ochko bilan 12-o‘rinda bormoqda. Bu yuqorilash bejizga emas. "Jenoa" oxirgi paytda ajoyib natijalarni qayd etmoqda.

Eldor Shomurodov jamoasi 9 yanvardan beri mag‘lubiyatsiz odimlayapti. "Jenoa" A Seriyaning oxirgi 5 uchrashuvida faqatgina "Atalanta" bilan durang o‘ynadi xolos. Qolgan bellashuvlarda zafar quchdi.

Ballardini shogirdlari bugun "Torino" bilan bellashadi. Ko‘ramiz, bu gal ham ushbu an’ana davom etarmikin. Uchrashuv Toshkent vaqti bilan 19:00da boshlanadi.