Elit chempionlar ligasi. "Al-Shorta" - "An-Nasr" bahsida kuchlar teng keldi

Bugundan yangicha formatdagi OFK Elit chempionlar ligasining ilk mavsumiga start berildi. Krishtianu Ronaldusiz harakat qilgan "An-Nasr" dastlabki turda Iroqning "Al-Shorta" klubi bilan durangga imzo chekdi. Arbil shahrida kechgan bellashuvda 1:1 hisobi qayd etildi. Dastlab, Saudiya jamoasidan Sultan al-Gannam hisobni ochgan bo‘lsa, Muhammad Dovud birinchi bo‘limning o‘zida gol kiritib, muvozanatni tikladi. Shu tariqa jamoalar 1 ochkodan bo‘lishib olishdi.