Farhod Umrzoqov bronza medaliga juda yaqin keldi

Para pauerlifting bo‘yicha erkaklar o‘rtasida -88 kg vazn toifasida bahslarda ishtirok etgan hamyurtimiz Farhod Umrzoqov finalda qatnashdi.

Medallar uchun kechgan kurashda Farhod 212 kg natija bilan 4-o‘rinni egalladi. Afsuski, unga bronza medallari uchun bor yo‘g‘i 2 kg kamlik qildi.

Eslatib o‘tamiz, kecha Ro‘za Qo‘zieva ayollar o‘rtasida -61 kg vazn toifasida kumush medalga sazovor bo‘lgan edi.

Tokio-2020 yozgi Paralimpiya o‘yinlari davom etadi.