Fayzullaevning legioner jamoadoshlari nega raqam almashtiryapti?
Bu shunchalik muhimmi?
Abbosbek Fayzullaev bilan birga TsSKA sharafini himoya qilayotgan legioner futbolchilar yangi mavsum oldidan raqamlarini almashtirdi.
O‘tgan yili jamoa safiga qo‘shilgan braziliyalik Kellven 2-raqamdan voz kechib 13 sonini tanladi.
- “13” men uchun oddiygina raqam emas, balki aynan mana shu son ostida professional faoliyatimdagi ilk uchrashuvni o‘tkazganman, - dedi Kellven.
Chililik yarim himoyachi Viktor Mendes 88 raqami o‘rniga 34-raqamda o‘ynaydigan bo‘ldi.
- Raqamimni o‘zgartirishga qaror qildim va faoliyatimni boshlaganimdagi raqam – “34”ni tanladim. Bu raqam bilan yaxshi xotiralarim bog‘liq, - dedi Viktor Mendes.
Eslatib o‘tamiz, Abbosbek Fayzullaev “Paxtakor”dan TsSKAga o‘tganidan keyin 21-raqamda to‘p tepishni ma’qul ko‘rgan va yangi chempionatda ham aynan shu raqamli futbolkada harakat qiladi.
Izohlar (0)