Ferdinand: "Messiga to‘pni oldirib qo‘yish kechiriladi"

"Manchester Yunayted"ning sobiq himoyachisi Rio Ferdinand Xorvatiya terma jamoasi va "Leyptsig" vakili Yoshko Gvardiolning o‘yin saviyasi haqida o‘z fikrlari bilan o‘rtoqlashdi.

"Gvardiol jahon chempionatida eng kuchli himoyachilardan biri bo‘ldi. U hali yosh, lekin juda xotirjam harakat qiladi, to‘p bilan ajoyib tarzda ishlaydi.

Dastlabki turlarda uning to‘pga egalik qilgan holda himoyadan qanday chiqib ketganini ko‘rdik, lekin Argentinaga qarshi o‘yinda uni qayta-qayta to‘xtatib qolishdi. Axir bu Messi, unga to‘pni oldirib qo‘yish kechiriladi. 

Yoshko mundial davomida boshqalardan yaqqol ajralib turdi, agar u xuddi shu ruhda o‘ynashda davom etsa, dunyoning eng yaxshi himoyachilaridan biriga aylanishi mumkin", - dedi Ferdinand.

Ma’lumot uchun, Gvardiol va Xorvatiya terma jamoasi jahon chempionatini bronza medallar bilan yakunladi.