“Fulxem” futbolchilari orasida Arbeloaga nisbatan norozilik avj olmoqda

Angliya Premier-ligasida ishtirok etayotgan “Fulxem” futbolchilari orasida bosh murabbiy Alvaro Arbeloaga nisbatan norozilik kuchaymoqda.

Arbeloa o'tgan yozda jamoa bosh murabbiyiga aylangan va “Benfika” klubiga ketgan Marku Silvaning o'rnini egallagan edi.

Premier-liganing yangi mavsumi boshlanganiga hali atigi uchta tur o'tgan bo'lsa-da, “Fulxem”ning ayrim futbolchilari ispaniyalik murabbiydan allaqachon bezib bo'lgan.

The Sun nashri xabar berishicha, Emil Smit-Rou va Aleks Ivobi Instagram akkauntlaridan “Fulxem” bilan bog'liq barcha suratlarni o'chirib tashlagan. Kevin va Kenni Tete esa ijtimoiy tarmoqlarda Arbeloani bilvosita yoki ochiq-oydin tanqid qilgan izohlarni qoldirgan.

“Fulxem” Premier-ligadagi dastlabki uchta uchrashuvining barchasida mag'lub bo'ldi. Jamoani oldinda “Liverpul” va “Manchester Yunayted”ga qarshi o'yinlar kutayotganini hisobga olsak, Arbeloa jamoasi mavsumdagi birinchi xalqaro tanaffusga ochko to'plamay olmagan holda chiqsa, bu kutilmagan holat bo'lmaydi.

“Fulxem” o'tgan yozda tajribali Raul Ximenes, Harri Uilson, Issa Diop va Sasha Lukich bilan xayrlashdi. Ular Premier-ligada jami 658 ta uchrashuv o'tkazgan edi. Ularning o'rniga klub yettita yangi futbolchini taklif qildi, ammo ularning barchasi Premier-ligada atigi sakkizta o'yinda ishtirok etgan.