Futbol bo‘yicha jahon chempionining jag‘ini sindirishdi

«Chelsi» darvozaboni Emiliano Martines Angliya Premier-ligasi 7-turida «Everton»ga qarshi o‘yinda (2:0) jag‘idan og‘ir jarohat oldi.

Hodisa ikkinchi bo‘lim o‘rtalarda ro‘y berdi. 75-daqiqa atrofida Martines baland uzatilgan to‘pga chiqqanida «Everton» himoyachisi Jarred Brantueyt bilan qattiq to‘qnashib ketdi. Ushbu vaziyat videoyazuvini quyida tomosha qilish mumkin.

Argentina terma jamoasi posboniga maydonning o‘zida bir necha daqiqa davomida tibbiy yordam ko‘rsatildi. Shundan so‘ng u maxsus nosilkada maydondan olib chiqib ketildi. Martines o‘rniga zahiradan 21 yoshli belgilayik darvozabon Mayk Penders maydonga tushirildi.

Dastlabki tibbiy xulosalarga ko‘ra, Martines jag‘ining sinishi sabab kamida bir oydan ortiq vaqtga maydonga tusha olmaydi. Joriy mavsumda u «Chelsi» safida olti o‘yin o‘tkazib, shulardan birini gol o‘tkazmasdan yakunlagan, qolgan uchrashuvlarda esa darvozasidan 11 ta to‘p o‘tkazib yuborgan.

Eslatib o‘tamiz, Emiliano Martines 2022 yildgi jahon chempioni va o‘sha mundialning eng yaxshi darvozaboni sifatida tan olingan. Shuningdek, u ikki karra «Yashin sovrini» sohibidir.