Futzal Osiyo kubogi. "D" guruhi uchrashuvlari yakunlandi

Osiyo kubogining guruh bosqich tugadi.

27 yanvardan buyon davom etib kelayotgan futzal bo‘yicha Osiyo kubogining 3-tur o‘yinlari yakuniga yetdi. So‘nggi turda guruh g‘olibligi uchun Eron va Afg‘oniston terma jamoalari bahs olib bordi. Uchrashuv forslarning ustunligida o‘tdi va yakunda 5:2 hisobida g‘alaba qozonib birinchi o‘rin bilan chorak finalga yo‘l oldi. Guruhning ikkinchi uchrashuvida esa Saudiya Arabistoni va Malayziya terma jamoalari parketga chiqdi. Bellashuvda saudiyaliklar raqibni 6:1 hisobida tor-mor etdi.

Shu tariqa, Eron birinchi, Afg‘oniston esa ikkinchi o‘rin bilan pley-off yo‘llanmasini qo‘lga kiritdi.