Hamyurtimiz Osiyo chempionatining "Eng yaxshi bokschisi" deb topildi!

Osiyo chempionati anʼanasiga muvofiq musobaqa yakunida U-15 va U-17 yosh toifalarida “Eng yaxshi bokschi” nominatsiyasi g‘oliblari aniqlandi.

U-17 yosh toifasida o‘g‘il bolalar o‘rtasida ushbu eʼtirofga hamyurtimiz Rushen Saydullaev sazovor bo‘ldi. Qizlarda esa Qozog‘iston vakili Ayaulim Ospanova turnirning eng yaxshi bokschisi deb topildi.

U-15 yosh toifasida o‘g‘il bolalar o‘rtasida eronlik Abolfazl Peshenvar, qizlarda esa Hindiston sportchisi Sunaina musobaqaning eng yaxshi bokschilari sifatida eʼtirof etildi. Bu haqida O‘zbekiston boks federatsiyasi xabar bermoqda.