Hasanboy Do‘smatov finalda!
Yarim final janglari davom etmoqda
Toshkentdagi "Humo arena"da boks bo‘yicha erkaklar o‘rtasida jahon chempionati davom etmoqda. Bugun yarim final janglari bo‘lib o‘tmoqda.
-51 kg vazn toifasida Hasanboy Do‘smatov ispaniyalik Martin Molinaga qarshi ringga ko‘tariladi. Jang 18:15dan so‘ng start oladi.
Bokschilar ringga chiqib kelmoqda. Hamyurtimiz qizil formada, uning raqibi ko‘k libosda harakat qiladi.
Ilk raundda hamyurtimizning qo‘li baland keldi - 5:0.
Ikkinchi raundda ham Hasanboyning ustunligi qayd etildi - 5:0.
Uchinchi raundda hakamlar ispaniyalik bokschining g‘alabasini qayd etishdi - 2:3. Yakuniy hisob Hasanboy Do‘smatovning foydasiga 5:0.
Shu tariqa, Hasanboy finalga yo‘l oldi va kamida kumush medali va 100 ming dollar pul mukofotiga ega chiqdi.
Izohlar (0)