Husanovga “Manchester Siti”dan munosabat keldi
«Istanbul Boshakshehir» o‘z maydonida «Galatasaray»ga qarshi Turkiya chempionatining to‘rtinchi tur uchrashuvini o‘tkazdi, deb xabar beradi Sports.kz.
Stambuldagi bellashuv tomoshabop gollarga boy o‘tib, 3:2 hisobida mehmonlar — «Galatasaray» foydasiga yakunlandi.
Hisob 16-daqiqada ochildi: «Galatasaray» hujumchisi Viktor Osimxen mezbonlar darvozasini ishg‘ol etdi. Ikkinchi bo‘lim boshlangach, faol o‘yin namoyish etgan o‘zbekistonlik forvard Eldor Shomurodov 66-daqiqada penaltini aniq amalga oshirib, hisobni tenglashtirdi. Oradan ko‘p o‘tmay, Lukas Torreya mehmonlarni yana oldinga olib chiqdi. 76-daqiqada esa Davinson Sanches o‘z darvozasiga gol urib qo‘ydi va natija yana 2:2 bo‘lib qoldi. Uchrashuv taqdiri so‘nggi daqiqalarda hal bo‘ldi: 90-daqiqada Gabriyel Sara aniq zarba yo‘llab, amaldagi chempionga muhim g‘alabani ta’minladi.
Eldor Shomurodov butun o‘yinni maydonda o‘tkazdi. Uning o‘zbekistonlik jamoadoshi Abbosbek Fayzullaev esa 74-daqiqada zahiraga olindi.
To‘rt turdan so‘ng «Galatasaray» sakkiz ochko bilan turnir jadvalida peshqadamlik qilmoqda. «Boshakshehir» esa besh ochko jamg‘argan holda jadval o‘rta qismida joylashgan.
Fikrlar