Husanovning “Lill”ga qarshi o‘yini qanday baholandi?

Frantsiya chempionatining sakkizinchi turini o‘zbekistonlik futbol ishqibozlari alohida e’tibor bilan kuzatdi. Liga 1dagi yagona vakilimiz Abduqodir Husanov ikkinchi uchrashuvini o‘tkazdi.

“Lans” bosh murabbiyi Frank Xeyz “Lill”ga qarshi kechgan bahsda 19 yoshli markaziy himoyachini yana boshlang‘ich tarkibda maydonga tushirdi.

Besh kun oldin UEFA Chempionlar ligasida “Arsenal”ni 2:1 hisobida mag‘lubiyatga uchratgan lansliklar chempionat o‘yinida biroz qiynaldi. Birinchi bo‘lim oxirida gol o‘tkazib yuborgan “Lans” o‘yinning ikkinchi yarmida Deyver Machadoning aniq zarbasi evaziga mag‘lubiyatdan qutilib qoldi – 1:1.

Frantsiya futbolini yoritib borayotgan https://www.lensois.com sayti ekspertlari “Lans” tarkibida ushbu bahsda eng yaxshi va eng yomon o‘yin ko‘rsatgan uchtadan futbolchining nomini aniqladi.   

Eng yaxshi o‘yinchilar:

Deyver Machado

Maydonga tushishi bilan Deyver Machado boshi bilan aniq zarba berdi. Bu ening mavsumdagi uchinchi goli. Machado vaziyatni o‘zgartirish uchun chap qanotdan hujumga zo‘r berishga harakat qildi. U Pshemislav Frankovskining aniq pasini zoe qilgani yo‘q.

Abduqodir Husanov

Bu gal Abduqodir Husanov “Mets”ga qarshi o‘tkazilgan debyut uchrashuvida ko‘rsatgan o‘yinidek yorqin o‘ynadi, deb bo‘lmaydi. Lekin uning ushbu derbi tonusiga tez qo‘shilib ketganini kuzatish qiziq. O‘z o‘rnida mustahkam turdi, murakkab vao‘iyatlarda o‘zini yshqotib qo‘ygani yo‘q. Ayrim holatlarda biroz aniqlik etishmadi xolos.

Pshemislav Frankovski

Frankovski jamoadoshi Deyver Machado maydonga tushishi bilan o‘ng qanotga ko‘chib o‘tdi. Bungacha chap qanotda raqib hujumkor futbolchisi Jegrovaga qarshi o‘ynashda ancha ter to‘kishi to‘g‘ri kelgandi. Qanotni almashtirishi bilan Machadoga golli pas uzatdi.

Eng yomon o‘yinchilar:

Bris Samba

“Lans” posboni “Lill” futbolchisi Benjamin Andrening zarbasini qaytara olmadi. U to‘pning traektoriyasi aniqlashda xatoga yo‘l qo‘ydi.

Endi Diuf

U atrofdagilarga bergan va’dalarini bajarib, o‘zini ko‘rsatishini yana bir kutishga to‘g‘ri keladi. Maydon markazida o‘z joyini hali ham topa olgani yo‘q. Raqib darvoza tomon juda kam zarba beryapti.

Anjelo Fuljini

Fuljini uchrashuvni juda yaxshi boshladi. Lekin standart vaziyatlardagi noaniq to‘p uzatishlari ijobiy ko‘rsatkichlarini to‘sib qo‘ydi. Keyinchalik harakatlari ham sustlashib qoldi.

Tezkor: Husanov muxlislariga “Lans”dan xushxabar