Ibragimovich diskvalifikatsiya qilinishi mumkin. U raqibining yuz suyagini sindirdi

"Los-Anjeles Gelaksi" xujumchisi Zlatan Ibragimovich yaqin vaqtlar ichida diskvalifikatsiya qilinishi mumkin. Sababi, 37 yoshli forvard MLS chempionati bahsida raqib futbolchisi Moxammad El Munirga qo‘pol o‘yin ko‘rsatdi.

Havodagi to‘p uchun kurashda shvetsiyalik xujumchi tirsagi bilan raqibiga zarba bergan. Natijada, 27 yoshli liviyalik futbolchida suyak sinishi aniqlandi.

2017 yil Zlatan shunga o‘xshash vaziyat uchun diskvalifikatsiya qilingandi. U paytlar futbolchi MYu a’zosi edi. "Bornmut" ximoyachisi Tayron Mingsga tirsagi bilan zarba berganligi uchun 3 ta o‘yinga chetlatilgandi.

Ma’lumot o‘rnida, MLS chempionatining so‘nggi tur uchrashuvida Ibragimovich xet-trik qildi. Ushbu mavsum 37 yoshli forvard 15 ta gol urishga ulgurdi.