"Inter" va "Tottenxem" jahon chempioni uchun kurashmoqda

Frantsiyalik yarim himoyachi Korentin Tolisso joriy mavsum yakunlangach, jamoasini o‘zgartirishi mumkin. Boisi, uning “Bavariya” bilan imzolagan amaldagi shartnomasi o‘z nihoyasiga etadi.

Kicker nashri tarqatgan xabarga qaraganda, 27 yoshli futbolchi faoliyatini davom ettirish bo‘yicha 2 ta variantga ega. Korentinga “Inter” va “Tottenxem” klublaridan taklif bor. Har ikkala klub ham Tolissoni yozda, ya’ni shartnomasi yakunlangach, erkin agent sifatida tarkibga qo‘shib olmoqchi.

Korentin Tolisso joriy mavsum Bundesligada bor yo‘g‘i 4 ta o‘yinda maydonga tushdi xolos.