Jahon chempionati oldidan Eron terma jamoasida jiddiy yo‘qotish bor

Leverkuzenning "Bayer" va Eron terma jamoasi hujumchisi Serdar Azmun oyog‘idan jiddiy jarohat olgani aytilmoqda.

27 yoshli eronlik futbolchi Chempionlar ligasi guruh bosqichidan o‘rin olgan "Portu"ga (0:2) qarshi o‘yin oldidan mashg‘ulot paytida son qismini shikastlab olgan.

Futbolchi bugun tibbiy ko‘rikdan o‘tgan. Dastlabki tekshiruvlarga ko‘ra, Serdar 6-8 hafta ichida maydonga qaytishi mumkin. Shu bois, u katta ehtimol bilan noyabrda Qatarda boshlanadigan jahon chempionatini o‘tkazib yuborishi mumkin.

Eslatab o‘tamiz, musobaqa 20 noyabrdan 18 dekabrgacha davom etadi.