Jahon chempionati. Turkmanistonni mag‘lib etdik. Navbat Yaponiyaga!

Vengriya poytaxti Budapesht shahri mezbonlik qilayotgan dzyudo bo‘yicha kattalar o‘rtasidagi jahon chempionatining aralash jamoaviy bahslari boshlandi.

O‘zbekiston terma jamoasi ilk bosqichda turkmanistonlik dzyudochilarga hech qanday imkoniyat qoldirmadi - 4:0! Xurshida Razzoqberdieva, Nurbek Murtazoev va Muzaffarbek To‘rabiev raqiblarini mag‘lub etishdi. Umida Nig‘matovaga texnik g‘alaba yozildi.  

Yaponiya - Avstriya qarama-qarshiligida terma jamoamizning 1/4 finaldagi raqibi aniqlandi. Kutilganidek. dzyudo vatani vakillari 4:0 hisobida zafar quchib, chorak finalga yo‘l olishdi.

Bu haqda O‘zbekiston dzyudo federatsiyasi matbuot xizmati xabar bermoqda.