Jirkov faoliyatini qachon yakunlashi ma’lum bo‘ldi

Joriy mavsum "Zenit" himoyachisi Yuriy Jirkov uchun so‘nggisi bo‘ladi. Bu haqda Metaratings nashri xabar tarqatmoqda.

Yuqoridagi manbaga ko‘ra, 37 yoshli futbolchi yozda Rossiya terma jamoasi safida “Evro-2020”da ishtirok etmoqchi va shundan so‘ng faoliyatini yakunlaydi. U hozir yuqori jismoniy bosimga dosh berolmayapti va shu sababli butsalarini mixga ilmoqchi.

Jirkov joriy mavsum 16 ta o‘yinda maydonga tushdi va 2 ta golga assistentlik qildi. Uning “Zenit” bilan amaldagi shartnomasi yozda o‘z nihoyasiga etadi.