Joau Feliks Saudiya Arabistoni chempionatining eng yaxshi futbolchisi deb topildi

"An-Nasr" yarim himoyachisi Joau Feliks Saudiya Arabistoni chempionatining o‘tgan mavsumidagi eng yaxshi futbolchi sifatida e’tirof etildi.

26 yoshli portugaliyalik futbolchi sovrin uchun kurashda jamoadoshi Krishtianu Ronaldu, "Al-Hilol" havbeki Ruben Nevesh, "Al-Ahli" hujumchisi Ayven Touni hamda "Al-Qodisiya" forvardi Xulian Kinyonesni ortda qoldirdi.

Feliks o‘tgan chempionatda 33 ta uchrashuvda maydonga tushib, 20 ta gol va 13 ta assist qayd etdi. Assistlar bo‘yicha bu ligadagi eng yaxshi natija bo‘ldi.