Jon Jons: "Hamzat Chimaev istalgan vazn toifasida raqobat qila oladi"

UFC sobiq chempioni Jon Jons o‘rta vazndagi kamar sohibi Hamzat Chimaev haqida gapirdi.

"Menimcha, Hamzat istalgan vazn toifasida raqobat qila oladi. U hozirgi paytda sayyoradagi eng kuchli jangchilardan biri. Chimaev og‘ir vazn jangchilari bilan bellashish uchun yetarlicha yirik. U o‘rta vaznda ajoyib jangchi, ammo men uni yarim og‘ir vaznda ko‘rishni istardim. Chechen Perreyra va Ankalaev kabi yigitlarga uchun ham jiddiy raqobat yaratadi", — dedi Jons "Red Corner MMA" nashriga bergan intervyusida.

Ma’lumot o‘rnida, Hamzat Chimaev titulini ilk bor Ramazon oyidan keyin himoya qilishni rejalashtirmoqda. Shu bilan birga, tarqalayotgan gap-so‘zlarga ko‘ra, agar Aleks Perreyra og‘ir vazn toifasida chempionlik jangini o‘tkazish imkoniyatiga ega bo‘lsa, liganing yarim og‘ir vazn divizionida yangi chempion paydo bo‘lishi ham mumkin.