Kilian Mbappe "Yuventus"ga qarshi o‘yinda maydonga tushishi mumkin

"Real Madrid" Klublar o‘rtasidagi Jahon chempionati 1/8 finalida Turinning "Yuventus" jamoasiga qarshi bahs olib boradi. Uchrashuv arafasida madridliklar uchun muhim yangilik ma’lum qilindi — hujumchi Kilian Mbappe safga qaytishi mumkin.

Frantsuz futbolchisi guruh bosqichini to‘liq o‘tkazib yuborgandi. Bunga gastroenterit tashxisi sabab bo‘lgan.

"Qirollik klubi" bosh murabbiyi Xabi Alonso Mbappe holati haqida quyidagicha fikr bildirdi:

"Hozir Kilianning ahvoli yaxshi. Biz har kuni u bilan muloqotdamiz. Yana bir bor suhbatlashib, so‘nggi qarorni qabul qilamiz. Uning maydonga tushishi ehtimoli juda yuqori. Qancha daqiqa o‘ynashi mumkinligini aniq ayta olmayman, lekin uning debyuti uchun yaxshi imkoniyat bor" — deya ta’rif berib o‘tdi ispaniyalik mutaxassis Mbappening maydonga tushishi haqida. 
 
Eslatib o‘tamiz, bo‘lajak bellashuv bugun Toshkent vaqti bilan 00:00 da start olishi rejalashtirilgan.