Klubimiz 111 yil davomida Xolandsiz futbol o‘ynagan!

“Borussiya” bosh direktori Xans-Yoakim Vattske jamoa to‘purari Erling Xoland “Manchester Siti”ga o‘tib ketayotgani haqidagi xabarlarga munosabat bildirdi.

- Klubimiz 113 yildan beri futbol o‘ynab keladi va ulardan 111 yil Erling Xolandsiz o‘tgan. Bir paytlar hujumda Robert Levandovski bo‘lardi. U 2014 yilda ketdi. Lekin biz keyingi yillarda ham futbol o‘ynadik. Har biringizni ishontirib aytamanki, Erling ketgan taqdirda ham 100 foiz o‘rniga boshqa hujumchi topamiz, - dedi Xans-Yoakim Vattske.

Norvegiyalik hujumchi Dortmund kulbiga 2020 yilning boshida “Zaltsburg”dan 20 million evaziga ko‘chib o‘tgandi. 21 yoshli to‘purar shu paytga qadar “Borussiya” safida 88 ta uchrashuv 85 ta gol urdi.