Koronavirus Oston O‘runovning ham faoliyatiga ta’sir qildi

Rossiyaning “Ufa” klubi koronavirus sabab yangi futbolchilarining taqdimotini bekor qildi. Bu haqda klub rasmiy tvitteri xabar tarqatmoqda.

Rejaga ko‘ra jamoaning yangi xarid qilgan yangi ikki futbolchisi - yarim himoyachi Oston O‘runov hamda hujumchi Gamid Agalarov shahardagi katta savdo komplekslaridan birida mahalliy ishqibozlar bilan uchrashishi kerak edi. Afsuski, virus tarqalishi xavfi borligi sabab savdo kompleksi vakillari ushbu tadbirni bekor qilishgan.

Hozircha Boshqirdistonda koronavirus rasman qayd etilmagan. Lekin shunga qaramasdan profilaktika ishlari boshlab yuborilgan.