Lazizbek Mullojonov jangi yakunlandi. Kunning barcha natijalari bilan tanishing

Xabaringiz bor, Bolgariya poytaxti Sofiya shahrida boks bo‘yicha an’anaviy Stranja musobaqasi bo‘lib o‘tmoqda. Bugun bokschilamiz yarim final janglarini o‘tkazdi. Barcha natijalar bilan tanishing:

+92 kg: Lazizbek Mullojonov - Nurlan Saparbay (Qozog‘iston) - Kunning so‘ngi uchrashuvida Mullojonov ham qo‘shni Qozog‘iston vakili ustidan ishonchli tarzda ustun keldi.

-63,5 kg: Mujibillo Tursunov - Abzal Serik (Qozog‘iston) - Keskin va murosasiz kechgan bahsda Tursunovning qo‘li baland keldi va finalga yo‘l oldi.

-92 kg: Madiyar Saidrahimov - Abzal Kuttibekov (Qozog‘iston) - Saidrahimov qozoq bokschisini mag‘lub etgan holda final yo‘llanmasini qo‘lga kiritdi.

-57 kg: Abdumalik Xalakov - Vsevolod Shumkov (Rossiya) - Xalakov mazkur uchrashuvda raqibga nisbatan kichik ustunlik qayd etgan holda zafar quchdi. Xalakov ushbu raqib bilan oldin ham 2 bora to‘qnash kelgan va har ikkalasida ham g‘alabaga erishgan.

-80 kg: Odiljon Aslonov - Kromvil Kommi (Italiya) - Teng kurashlar ostida o‘tgan bahsda Aslonov g‘alaba qozondi.

-51 kg: Hasanboy Do‘smatov - Timur Kabdeshov (Qozog‘iston) - Do‘smatov raqibini ishonchli tarzda mag‘lub etgan holda finalga yo‘l oldi.

-52 kg: Tursunoy Rahimova - Tetiana Kob (Ukraina)- Tursunoy Rahimova raqibasidan jang davomida ustunlik qilganiga qaramasdan hakamlar yakunda Ukraina vakilasining qo‘lini baland ko‘tardi.