"Liverpul" "Real"ning rejalarini buzmoqchi

"Liverpul" himoyachi Trent Aleksander-Arnold bilan shartnomasini uzaytirish ustida ishlamoqda. Transfer News Live, CaughtOffside'ga tayanib xabar berishicha, Mersisayd klubi Trentga yaxshilangan shartnoma taklifini berdi, unda yiliga taxminan 20 million funt miqdorida maosh ko‘zda tutilgan.

Shu bilan birga, "Real" Trentni kelgusi yozda erkin agent sifatida imzolash uchun harakatga kirishgan. Madrid klubi yanvar oyida futbolchining vakillari bilan uchrashuv o‘tkazishni rejalashtirmoqda. Ushbu oyda 26 yoshli futbolchi chet el klublari bilan muzokaralarni erkin olib borish huquqiga ega bo‘ladi, chunki uning shartnomasining tugashigacha olti oydan kam vaqt qolgan.

Joriy mavsumda angliyalik fulbek APLda 14 ta uchrashuvda 3 ta assist amalga oshirdi. Transfermarkt portali uni 75 million evroga baholamoqda.