“Liverpool” sobiq futbolchisi Husanov va Gexi juftligini keskin tanqid qildi

"Liverpul"ning sobiq futbolchisi va ayni paytda futbol eksperti boʻlib faoliyat yuritayotgan  Jeymi Karrager "Manchester Siti"ning "Everton"ga qarshi oʻyini haqida keskin fikr bildirdi.

 “Manchester Siti”dan nima koʻrdim? Bu chempionlikka olib boradigan himoya emas — bu sarosima. Bu darajada Mark Gehi kabi futbolchi bunday pas berishi mumkin emas. Bu shunchaki xato emas — bu raqibga sovgʻa. Sen oʻyinni oʻzing topshiryapsan.

Gol boʻlgan vaziyatda Abduqodir Husanovga qarang: ikkilanish, notoʻgʻri pozitsiya — bu bosimning natijasi orqali paydo boʻladigan xato.  “Siti” oʻz ustunligini nazorat orqali qurgan edi. Hozir-chi? Nazorat yoʻq. Ikkilanish bor. Himoyachilar ikkilana boshlasa, butun jamoa parokanda boʻladi.

Agar chempion boʻlmoqchi boʻlsang, “Everton”ning 10 soniyalik bosimida parchalanmasliging kerak. Hozir jamoalar endi Pep Gvardioladan qoʻrqmayapti, aksincha uning jamoasini nishonga olmoqda. Agar shu holat davom etsa, chempionlikni unuting — hatto kurashda qolishning oʻzi qiyin boʻladi", — dedi Karrager.