"Liverpul"ga qarshi o‘yinda "Chelsi"ning ikki futbolchisi jarohat oldi

"Chelsi" yarim himoyachisi Mateo Kovachich va Villian Angliya Kubogi 1/8 final doirasida "Liverpul"ga qarshi bo‘lib o‘tgan bahsda jarohat oldi.

Bu haqida londonliklar ustozi Frenk Lempard o‘yindan so‘ng bo‘lib o‘tgan matbuot anjumanida aytib o‘tdi.

"Ikkalisining jarohati tovon bilan bog‘liq Villianning ahvoli unchalik yomon emas, ammo bu haqida ertaga aniq ma’lumot olishimiz mumkin.

Kovachich o‘zini yomon his qilmoqda, ammo barchasi yaxshi bo‘lishiga umid qilaman", - deydi Lempard.