"Lokomotiv" etakchilarisiz mashg‘ulotlarga qaytdi

12 fevral kuni Turkiya yig‘inidan qaytib kelgan “Lokomotiv” yana mashg‘ulotlarni boshladi. Jamoaning bugungi tayyorgarlik jarayoni TTYMI stadionida olib borildi, - bu xususida klub matbuot xizmati xabar bermoqda.

Hozirgi kunda "Loko"ning to‘rt nafar futbolchisi – Javohir Ilyosov, Temurxo‘ja Abduxoliqov, Sanjar Qodirqulov va Islom Qobilov O‘zbekiston milliy terma jamoasining Dubaydagi yig‘inida ishtirok etishyapti.

Shuningdek, yana uch nafar o‘yinchi – Dilshod Komilov, Avazbek O‘lmasaliev hamda Bobur Asqarov O‘zbekiston U-22 terma jamoasining mashg‘ulotlarida qatnashishmoqda.