"Lokomotiv" Jasur Jaloliddinovni rasman ommaga tanishtirdi. Hamyurtimiz ilk fikrlarini ham bildirdi

Yozgi transferlar davrida “Bunyodkor”dan “Lokomotiv” Moskvaga ko‘chib o‘tgan Jasur Jaloliddinov bugun yangi jamoasida rasman ommaga tanishtirildi.

Iste’dodli hamyurtimiz tanishtiruv marosimida ilk fikrlarini bildirib o‘tdi.

“Lokomotiv” muxlislari qanchalik ajoyib ekanini yaxshi bilaman. Men shu erdaman va umid qilamanki, ularni xursand qilaman.

Kumirim – Aleksey Miranchuk. Bu rost. U bilan birga shug‘ullanayotganimdan mamnunman. U bilan birga yuqori darajaga erisha olishimga ishonaman.

“Lokomotiv”da yaxshi jamoa bor. Barcha yigitlar yaxshi. Ularning orasida rivojlana olaman”, - deydi o‘zbekistonlik futbolchi.